الأسئلة الشائعة

كل شهادة من CompTIA إلها أكثر من طريقة تحضير رسمية. كلها أونلاين وبتدرس فيها على وقتك. لازم تفعّل الكود خلال 12 شهر من الشراء، وبعد ما تفعّله بيضل شغّال معك 12 شهر. هاي خلاصة كل وحدة حسب وصف CompTIA نفسها:

Learn

كورس تفاعلي كامل بيشرحلك المادة من الصفر: دروس وفيديوهات، أسئلة بعد كل جزء، أسئلة عملية (PBQ) زي اللي بتيجي بالامتحان، وتقارير بتوريك وين وصلت. بياخد تقريباً من 25 لـ 40 ساعة.
بيناسبك إذا لسا جديد بالمجال وبدك حدا يمشي معك خطوة خطوة.

Lab

تطبيق عملي على أجهزة وشبكات افتراضية حقيقية بتفتحها من المتصفح. كل مهمة إلها خطوات وتلميحات، وبتنصحّح أول بأول. ما فيها شرح نظري، فأحسن إشي تاخدها مع الكتاب أو مع Learn. بتاخد تقريباً من 15 لـ 25 ساعة.
بتناسبك إذا فاهم النظري وبدك تطبّق بإيدك.

Practice

أسئلة تدريبية ذكية: بتبلش تسألك عشان تعرف شو بتعرف وشو لأ، بتركّز على النقاط اللي إنت ضعيف فيها، وبالآخر بتعطيك امتحانات تجريبية بوقت زي الامتحان الحقيقي. بتاخد تقريباً من 10 لـ 20 ساعة.
بتناسبك إذا خلصت دراسة وبدك تتأكد إنك جاهز قبل ما تقدّم.

Perform

الباقة الكاملة، وكان اسمها قبل CertMaster Learn + Labs. فيها الشرح والفيديوهات والامتحانات التجريبية، ومعها لابات عملية على أجهزة حقيقية، كله بمكان واحد. بتاخد تقريباً من 30 لـ 60 ساعة.
بتناسبك إذا بدك إشي واحد فيه كل إشي.

eBook

الكتاب الرسمي للشهادة. من أكتوبر 2025 صار اسمه عند CompTIA CertMaster Study: شرح مكتوب مع فيديوهات وأسئلة قصيرة بعد كل درس، وبتقدر تنزّل الكورس كامل PDF وتقرأه من الموبايل. ما فيه امتحانات تجريبية ولا لابات.
بيناسبك إذا بتحب تدرس من كتاب وعلى راحتك.

eBook Teacher

نسخة المدرّب من الكتاب. فيها نفس محتوى الطالب، ومعها ملاحظات للمدرّب، والحلول ظاهرة، وشرائح عرض (PowerPoint) بتقدر تعدّل عليها، وخطط جاهزة لتقسيم الكورس حسب المدة.
بتناسبك إذا رح تدرّس المادة لغيرك، مش للدراسة الشخصية.

Retake

لما تشتري الفاوتشر مع Retake، وقدّمت الامتحان وما نجحت، بتاخد محاولة ثانية على نفس نسخة الامتحان بدون ما تدفع ثمن فاوتشر جديد. لازم تستعملها قبل ما تخلص صلاحية الفاوتشر (12 شهر من الشراء)، وما في فترة انتظار بين المحاولة الأولى والثانية. وإذا ما قدّمت الامتحان أصلاً، المحاولة الثانية ما بتتفعّل.

طيب شو أختار؟

• جديد بالمجال: Learn، أو Perform إذا بدك لابات معه.
• بتعرف المادة وبدك تطبيق عملي: Lab.
• قرّبت على الامتحان وبدك تتأكد من جاهزيتك: Practice.
• بتحب تقرأ وتدرس لحالك: eBook.

مش كل الإضافات متوفرة لكل شهادة، واللي بتشوفه بصفحة الشهادة هو المتوفر إلها. وإذا محتار، احكي معنا وبنساعدك تختار.